چینی فنکار کی وائلن پر پاکستان کے قومی ترانے کی دھن بجانے کی ویڈیو وائرل

Video Viral of Chinese artist playing Pakistan's national anthem
Video Viral of Chinese artist playing Pakistan's national anthem

:اسلام آباد

چین کی پاکستان سے محبت والہانہ ہے اور اکثر چینی فنکار اس کا ثبوت دیتے ہوئے بھی نظر آتے ہیں ایسے ہی ایک چینی فنکار نے وائلن پر پاکستانی قومی ترانے کی دُھن بجائی جس کی ویڈیو وائرل ہوگئی ہے۔

حال ہی میں پاکستان میں تعینات چینی سفارتخانے کے ڈپٹی چیف آف مشن لی جان ژاؤ نے اپنے آفیشل ٹوئٹر اکاؤنٹ پر ایک 12 سالہ چینی فنکار کی ویڈیو شیئر کی جس میں اسے وائلن پر پاکستانی ترانے کی دھن بجاتے دیکھا جاسکتا ہے۔

انہوں نے ویڈیو شیئر کرتے ہوئے لکھا کہ اس ترانے کی دُھن خوبصورت ہے اور ان کی اس سے وابستگی ہے۔ انہوں نے پاک چین دوستی زندہ باد بھی لکھا۔

سوشل میڈیا پر چینی فنکار کی ویڈیو وائرل ہونے پر چینی ٹوئٹر صارفین سے لے کر پاکستانی بھی اسے قابل ستائش قرار دیے رہے ہیں۔

چار روز قبل جاری کردہ اس ویڈیو کو اب تک ہزاروں افراد پسند کرچکے ہیں جب کہ ہزاروں لوگوں نے اس پر دلچسپ تبصرے بھی کیے۔

جواب چھوڑ دیں

Please enter your comment!
Please enter your name here