امام الحق باؤنسر لگنے سے زخمی، ڈاکٹر کا قومی بلے باز کو آرام کا مشورہ

Imam Ul Haq
Imam Ul Haq

امام الحق باؤنسر لگنے سے زخمی، ڈاکٹر کا قومی بلے باز کو آرام کا مشورہ

ڈاکٹرز نے نیوزی لینڈ کے خلاف دوسرے ون ڈے میں باؤنسر لگنے سے زخمی ہونے والے قومی ٹیم کے ابتدائی بلے باز امام الحق کو 72 گھنٹے تک آرام کا مشورہ دیا ہے۔

پاکستان اور نیوزی لینڈ کے خلاف تین ون ڈے میچوں پر مشتمل سیریز کا دوسرا میچ ابو ظہبی کے شیخ زید اسٹیڈیم میں کھیلا جا رہا ہے۔

نیوزی لینڈ کی جانب سے دیے گئے 210 رنز کے ہدف کے تعاقب میں پاکستان کی بیٹنگ جاری ہے اور پاکستان کی اننگز کے 13ویں اوور کی پہلی ہی گیند پر قومی ٹیم کے اوپنر امام الحق باؤنسر لگنے سے زخمی ہو کر گراؤنڈ سے باہر چلے گئے۔

امام الحق نے فرگوسن کے باؤنسر پر ہٹ لگانے کی کوشش کی لیکن گیند اُن کے بلے پر نہ آ سکی اور سیدھی ہیلمٹ پر جا لگی، شدید تکلیف کے باعث امام الحق گراؤنڈ میں لیٹ گئے۔

بعد ازاں قومی ٹیم کے فزیو نے گراؤنڈ میں آ کر امام الحق کا طبی معائنہ کیا اور انہیں گراؤنڈ سے باہر لے گئے۔

امام الحق خود چل کر گراؤنڈ سے باہر گئے جس کے بعد انہیں ایمبولنس میں ڈال کر اسپتال منتقل کیا گیا جہاں امام الحق کی انجری کی نوعیت معلوم کرنےکے لیے سی ٹی اسکین کیا گیا۔

اسپتال ذرائع کا بتانا ہے کہ میڈیکل رپورٹ کے مطابق امام الحق کی صحت ٹھیک ہے تاہم ڈاکٹرز نے انہیں آرام کا مشورہ دیا ہے۔

ذرائع کا کہنا ہے کہ گیند لگنے کے باعث امام الحق کو جھٹکا لگنے سے پٹھوں میں کھچاؤ پیدا ہوا ہے اور ڈاکٹرز نے امام الحق کو 72 گھنٹے تک آرام کا مشورہ دیا ہے۔

اسپتال ذرائع کے مطابق امام الحق کی مزید رپورٹس کل تک آئیں گی، رپورٹس آنے پر امام الحق کی آئندہ میچز میں دستیابی سے متعلق آگاہ کیا جائے گا۔

جواب چھوڑ دیں

Please enter your comment!
Please enter your name here