شوبز اسٹارز کا ورلڈکپ میں قومی ٹیم کیلئے نیک خواہشات کا اظہار

Shubz Starz's best wishes to the national team in the World Cup
Shubz Starz's best wishes to the national team in the World Cup

قومی کرکٹ ٹیم کا ورلڈکپ میں سفر شروع ہوچکا ہے اور پاکستانی شوبز اسٹارز نے ایونٹ میں شاہینوں کے لیے نیک خواہشات کا اظہار کیا ہے۔

سپر اسٹار ماہرہ خان نے کپتان سرفراز احمد کی ملکہ برطانیہ سے ملاقات کے دوارن کرتا شلوار میں ملبوس ایک تصویر پوسٹ کی جس میں ان کو قابل ستائش قرار دیا اور قومی کرکٹ ٹیم کی حوصلہ افزائی کی۔

گلوکار و اداکار فرحان سعید نے ٹوئٹر پیغام میں گرین شرٹس کے لیے نیک تمناؤں کا اظہار کیا اور ان کی جیت کے لیے دعاگو  ہوئے جب کہ ساتھ ہی انہوں نے ٹیم کو مشورہ بھی دیا۔

فرحان سعید نے لکھا کہ ’اگر آپ بال اچھی کراتے ہیں تو 300 کا ٹوٹل اچھا ہے، چاہے پچ جیسی بھی ہو، پاکستان کل سے ورلڈ کپ کے سفر کا آغاز کرتا ہے، ہم اس قابل ہیں کہ کسی بھی ٹیم کو کسی بھی دن حیران کرسکتے ہیں‘۔

اداکارہ مہوش حیات نے بھی ٹوئٹر پیغام سے قومی کرکٹ ٹیم کی حوصلہ افزائی کی اور کہا کہ پوری قوم کے خواب سرفراز الیون پر منحصر ہیں، مجھے یقین ہے کہ آپ لوگ (قومی کرکٹ ٹیم) نااُمید نہیں کرے گی۔

اداکارہ حریم فاروق نے آج کا دن پاکستان کے لیے اہم قرار دیا اور بتایا کہ وہ جمعۃالوداع کے موقع پر پوری قوم کے ساتھ ٹیم گرین کے لیے دعاگو ہیں۔

جواب چھوڑ دیں

Please enter your comment!
Please enter your name here