شہید سیکنڈ لیفٹیننٹ عبدالمعید لاہور کے کیولری قبرستان میں سپرد خاک

Shaheed Second Lieutenant Abdul Moeed buried in cemetery of Lahore Cavalry
Shaheed Second Lieutenant Abdul Moeed buried in cemetery of Lahore Cavalry

:لاہور

شمالی وزیرستان میں دہشت گردوں کے حملے میں شہید ہونے والے سیکنڈ لیفٹیننٹ عبدالمعید کو کیولری گراؤنڈ قبرستان میں سپرد خاک کردیا گیا۔

لاہور کے ایوب اسٹیڈیم میں شہید عبدالمعید کی نماز جنازہ ادا کی گئی جس میں شہید کے لواحقین سمیت کور کمانڈر لاہور لیفٹیننٹ جنرل عامر ریاض، سی سی پی او لاہور، دیگر عسکری حکام اور حکومتی ارکان نے شرکت کی۔

نماز جنازہ کی ادائیگی کے بعد شہید کی میت کو ایمبولینس کے ذریعے کیولری گراؤنڈ قبرستان لایا گیا جہاں انہیں مکمل فوجی اعزاز کے ساتھ سپرد خاک کیا گیا۔

 اس سے قبل شہید کے آبائی علاقے بورے والا میں ان کی نماز جنازہ ادا کی گئی تھی۔

٢١ سالہ سیکنڈ لیفٹیننٹ عبدالمعید نے حال ہی میں پی ایم اے کورس پاس کیا تھا اور گزشتہ روز شمالی وزیرستان میں دہشت گردوں کے حملے میں شہید ہوئے۔

دہشت گردوں کے حملے میں شہید ہونے والے پاک فوج کے دوسرے جوان سپاہی بشارت کا تعلق گلگت کے گاؤں دینور سے ہے اور ان کی عمر بھی 21 سال ہی تھی۔

جواب چھوڑ دیں

Please enter your comment!
Please enter your name here