سوات میں اسکول کی تعمیر، شارجہ کی تنظیم نے7 لاکھ ڈالر عطیہ کردیئے

School building in Swat, Sharjah's organization donated $ 7 million
School building in Swat, Sharjah's organization donated $ 7 million

:دبئی

سماجی سرگرمیوں میں مصروف شارجہ کی تنظیم ‘بگ ہارٹ فاؤنڈیشن’ نے پاکستان میں لڑکیوں کی تعلیم کے لیے 7 لاکھ ڈالرز کا عطیہ دیا ہے۔

بگ ہارٹ فاؤنڈیشن، سوات میں ملالہ فنڈ کے اشتراک سے اسکول کی تعمیر کرے گی۔

 اس سلسلے میں آکسفورڈ، لندن میں بگ ہارٹ فاؤنڈیشن اور ملالہ فنڈ کے درمیان معاہدے پر دستخط کی تقریب ہوئی، جس پر بگ ہارٹ فاؤنڈیشن کی ڈائریکٹر مریم الحمادی اور ملالہ فنڈ کی سی ای او فرح محمد نے دستخط کیے۔

بگ ہارٹ فاؤنڈیشن کے مطابق رواں برس ماہ اپریل میں سوات میں اسکول کی تعمیر مکمل ہوجائے گی، جس میں سائنس لیبارٹری، لائبریری، کمپیوٹر لیب، تعلیم یافتہ اساتذہ اور دیگر سہولیات فراہم کی جائیں گی۔

Director of the Big Heart Foundation, Maryam Hamidi and CEO of Malala Fund, signed the agreement
Director of the Big Heart Foundation, Maryam Hamidi and CEO of Malala Fund, signed the agreement

ملالہ یوسف زئی کے آبائی شہر سوات میں قائم کیے گئے اس اسکول میں 11 کمرہ جماعت ہوں گے، جن میں 350 لڑکیاں تعلیم حاصل کرسکیں گی۔

 اسکول کی تعمیر کے بعد بگ ہارٹ فاؤنڈیشن دو سال تک اسکول کے اخراجات بھی برداشت کرے گی۔

بگ ہارٹ فاؤنڈیشن کی جانب سے تعلیمی امداد پر نوبیل انعام یافتہ ملالہ یوسف زئی نے شکریہ ادا کیا اور کہا کہ ان کا خواب پورا ہورہا ہے۔

ملالہ کا کہنا تھا کہ اب سوات میں بھی لڑکیاں اپنی مرضی سے اپنا مستقبل بنا سکتی ہیں اور وہ اس حوالے سے بے حد خوش ہیں۔

جواب چھوڑ دیں

Please enter your comment!
Please enter your name here