وزیراعظم شاہد خاقان عباسی کی سعودی فرمانروا شاہ سلمان سے ملاقات

PM Abbasi, Saudi king discuss security, regional issues in Dammam meeting
PM Abbasi, Saudi king discuss security, regional issues in Dammam meeting

:دمام

وزیراعظم شاہد خاقان کی سعودی فرمانروا شاہ سلمان سے ملاقات ہوئی جس میں اہم دو طرفہ امور اور خطے کی صورتحال پر تبادلہ خیال کیا گیا۔

دونوں رہنماؤں کی ملاقات فوجی مشقوں گلف شیلڈ ون کی اختتامی تقریب کے موقع پرہوئی۔

وزیراعظم شاہد خاقان عباسی نے سعودی شاہ سے ملاقات میں کہا کہ پاکستانی عوام اور حکومت کے لیے سعودی عرب انتہائی اہمیت کا حامل ہے۔

ملاقات میں سعودی فرمانروا نے بھی پاکستانی عوام اور حکومت کی تعریف کی۔

Chief of Army Staff General Qamar Javed Bajwa at the closing ceremony of Gulf Shield-1. Photo: PID
Chief of Army Staff General Qamar Javed Bajwa at the closing ceremony of Gulf Shield-1. Photo: PID

مشترکہ فوجی مشق گلف شیلڈ ون دمام میں اختتام پذیر ہو گئی جس میں میں 24 ممالک کے فوجی دستوں نے حصہ لیا۔

اختتامی تقریب میں پاکستان کے وزیراعظم شاہد خاقان عباسی، آرمی چیف جنرل قمر جاوید باجوہ، وزیر دفاع خرم دستگیر اور سعودی عرب میں پاکستان کے سفیر حشام بن صدیق بھی موجود تھے۔

سعودی عرب میں مشترکہ مشق گلف شیلڈ ون کی اختتامی تقریب دمام میں ہوئی، مشقوں میں پاکستان، متحدہ عرب امارات، مصر، ترکی، امریکا، برطانیہ سمیت 24ممالک کے فوجی دستوں نے شرکت کی۔

ان مشقوں کا مقصد علاقائی ممالک کے مابین فوجی و سیکیورٹی تعاون اور رابطوں کو فروغ دینا تھا۔

وزیر اعظم شاہد خاقان عباسی سعودی فرمانروا شاہ سلمان بن عبدالعزیز کی دعوت پر گزشتہ روز دمام پہنچے تھے۔

Pak army forces, Air Force C-130 aircraft, JF17 Thunder fighter also participated in practice
Pak army forces, Air Force C-130 aircraft, JF17 Thunder fighter also participated in practice Photo:PID

پاک فوج کے دستے،پاک فضائیہ کے سی۔130 جہاز،جے ایف۔17 تھنڈر لڑاکا طیارے، پاک بحریہ کے بحری جہاز اسپیشل سروسز گروپ کے کمانڈوز نے ان مشقوں میں حصہ لیا۔

ان مشقوں کو مختلف ممالک کے فوجی دستوں، ہتھیاروں کے نظام اور پیشہ وارانہ مہارتوں کے اعتبار سے خطے کی اہم ترین فوجی مشقیں کہا جارہا ہے۔

مشترکہ گلف شیلڈ۔1 کے ترجمان بریگیڈیئر جنرل عبداللہ الصبائی نے ایک پریس کانفرنس میں کہا ہے کہ ان مشقوں کے خدو خال میں فوجی آپریشن، حربی فوجی آپریشن جیسی دو اقسام ہیں جس میں دشمن کے خلاف ساحلی دفاعی حملوں کے علاوہ باقاعدہ جنگی حربی تیاریاں یرغمال بنانے والے عناصر سے دیہات اور ساحلی اور صنعتی تنصیبات کو واگزار کرنے کی مشقیں بھی شامل ہیں۔

جواب چھوڑ دیں

Please enter your comment!
Please enter your name here