خیبر پختونخوا اسمبلی میں نئے چہروں کی آمد

New faces arrive in Khyber Pakhtunkhwa Assembly
New faces arrive in Khyber Pakhtunkhwa Assembly

:پشاور

2018کے انتخابات میں کامیابی حاصل کرنے والے کئی نئے امیدوار خیبر پختونخوا اسمبلی کا حصہ بنیں گے ان تمام منتخب نئے امیدواروں نے اسمبلی میں پہنچ کر عوام کی خدمت کرنے کا عزم کیا ہے۔

کامران بنگش

Kamran Bangsh

خیبر پختونخوا اسمبلی میں تبدیلی آنے والی ہے درجنوں نئے چہرے صوبائی اسمبلی کی زینت بنیں گے، پشاور سے پبلک سروس کمیشن کا امتحان پاس کرکے سرکاری نوکری چھوڑنے والے کامران بنگش کے پی اسمبلی کا حصہ بنیں گے نوجوان ایم پی اے کامران بنگش پشاور کے حلقہ  پی کے 77 سے کامیاب ہو ئے ہیں۔

مومنہ باسط

Momina Basit

ہزارہ ریجن سے پی ٹی آئی کارکن اور تحریک انصاف ہزارہ ویمن ونگ کی صدر مومنہ باسط بھی کے پی کے اسمبلی میں جلد قدم رکھیں گی، مومنہ باسط نے ابتدائی تعلیم ایبٹ آباد سے حاصل کی ہے اور سماجی خدمات انجام دینے کے علاوہ آٹھ سال سے پی ٹی آئی سے وابسطہ ہیں۔

نادیہ خٹک

Nadia Khatak

تحریک انصاف کے جلسوں میں بڑھ چڑھ کر حصہ لینے والی نادیہ خٹک بھی خیبر پختونخوا اسمبلی آنے کو بے تاب ہیں نادیہ خٹک پی ٹی آئی سوشل میڈیا ٹیم کی سرگرم کارکن ہیں اسلام آباد میں ہونے والے تاریخی دھرنے سے لے کر ملک بھر میں ہونے والے جلسوں میں نادیہ خٹک شرکت کرچکی ہیں۔

رابعہ بصری

Rabia Basri

پی ٹی آئی کی دیرینہ کارکن رابعہ بصری بھی خیبر پختونخوا اسمبلی کا حصہ بن گئیں ہیں، رابعہ بصری سماجی کارکن ہیں اور خیبرپختونخوا میں معزور افراد کے مسائل کو اجاگر کرنے میں ان کی بہت خدمات ہیں۔

شفیع اللہ خان

Shafiullah Khan

دیر سے تعلق رکھنے والے سابق ڈسٹرکٹ پولیس آفیسر چارسدہ شفیع اللہ خان نے بھی کے پی اسمبلی آکر عوامی خدمت کا بیڑہ اٹھایا ہے۔

وزیر زادہ

Wazir Zada

ملکی تاریخ میں پہلی مرتبہ چترال میں کیلاش کمیونٹی سے تعلق رکھنے والے وزیر زادہ بھی اقلیتی ممبر صوبائی اسمبلی بن گئے۔ وزیر زادہ کے ایم پی اے بننے پر وادی کیلاش میں جشن کا سماں ہے۔

تیمور جھگڑا

Taimoor Jhagra

پشاور سے تعلق رکھنے والے تیمور جھگڑا بھی پہلی مرتبہ خیبرپختونخوا کی صوبائی اسمبلی جائیں گے، تیمور جھگڑا یورپ سے اعلیٰ تعلیم حاصل کر کے حال پی میں پشاور آئے ہیں۔ تیمور جھگڑا سابق صدر غلام اسحاق خان کے نواسے ہیں اور وہ تحریک انصاف کی 100 دنوں کی حکمت عملی بھی تیار کر چکے ہیں، پارٹی کی اعلیٰ قیادت کی جانب سے ان کا نام خیبر پختونخوا کے وزیراعلیٰ کے لئے بھی نامزد کیا جاچکا ہے۔

جواب چھوڑ دیں

Please enter your comment!
Please enter your name here