نوازشریف نے جی ٹی روڈ سے جانے کا فیصلہ صحافیوں کے مشورے سے کیا: چوہدری نثار

Nawaz Sharif decided to go via GT Road with the advice of journalists: Chaudhry Nisar
Nawaz Sharif decided to go via GT Road with the advice of journalists: Chaudhry Nisar

:اسلام آباد

مسلم لیگ (ن) کے رہنما چوہدری نثار نے کہا ہے کہ نواز شریف نے جی ٹی روڈ سے جانے کا فیصلہ صحافیوں کے ایک وفد سے ملاقات کے بعد کیا تھا۔

ترجمان چوہدری نثار کی جانب سے جاری وضاحتی بیان میں کہا گیا ہے کہ مری میں نواز شریف کی زیر قیادت ایک اعلیٰ سطح کا اجلاس ہوا تھا جس میں وزیراعظم شاہد خاقان عباسی سمیت پارٹی کے 10 یا 11 اراکین موجود تھے۔

چوہدری نثار کے ترجمان کے مطابق ایک دو ارکان کے علاوہ پارٹی کی سینئر قیادت نے سیکیورٹی وجوہات کی بناء پر نواز شریف کو بذریعہ موٹر وے لاہور جانے کا مشورہ دیا تھا۔ اجلاس میں یہ بھی طے پایا تھا کہ ہر انٹرچینج پر نواز شریف کا استقبال کیا جائے گا۔

ترجمان چوہدری نثار نے مزید کہا کہ مری کی میٹنگ کا فیصلہ ریکارڈ پر موجود ہے اور اگلے روز کے اخبارات میں بھی میٹنگ کا فیصلہ شائع ہوا تھا۔

explanatory statement

سابق وزیر داخلہ کی جانب سے جاری وضاحتی بیان میں یہ بھی کہا گیا کہ اس فیصلے میں تبدیلی کسی سیاستدان کے مشورے سے نہیں بلکہ مجیب الرحمان شامی کی زیر صدارت میڈیا کے ایک وفد کی پنجاب ہاؤس میں ہونے والی ملاقات کے بعد کی گئی۔

رہنما (ن) لیگ کے وضاحتی بیان میں مزید کہا گیا کہ اس مشورے کے بعد نواز شریف نے چوہدری نثار کو ٹیلی فون کر کے کہا کہ سیکیورٹی وجوہات کے باوجود وزیراعلیٰ پنجاب شہباز شریف کو جی ٹی روڈ کے پروگرام پر قائل کریں۔

وضاحتی بیان میں بتایا گیا کہ چوہدری نثار نے شہباز شریف سے ملاقات کے بعد بھری محفل میں بتایا کہ شہباز شریف اس پروگرام پر آمادہ ہیں۔

چوہدری نثار نے کہا کہ جہاں تک نواز شریف کو جہاز پر لاہور جانے کا مشورہ دینے کا تعلق ہے تو اس کا نواز شریف سے ہی پوچھا جائے البتہ مری کے اجلاس میں کسی نے بھی اس قسم کی بات نہیں کی تھی۔

جواب چھوڑ دیں

Please enter your comment!
Please enter your name here