نواز و زرداری اپنے آخری الیکشن لڑچکے، کس منہ سے معیشت پرلیکچردیتے ہیں: فواد

Nawaz and Zardari contested their last election, Info Minister
Nawaz and Zardari contested their last election, Info Minister

:لندن

وفاقی وزیر اطلاعات فواد چوہدری کا کہنا ہے کہ نواز شریف اور آصف زرداری اپنے آخری الیکشن لڑچکے اور وہ کس منہ سے ہمیں معیشت پر لیکچر دے رہے ہیں۔

لندن میں میڈیا سے بات کرتے ہوئے فواد چوہدری نے کہا کہ نواز شریف اور آصف زرداری کی ایسی حیثیت ہے جیسی اقدار سے ہٹنے کے بعد یحیٰ اور ایوب خان کی تھی۔

انہوں نے کہا کہ نواز، زرداری، خواجہ آصف اور خورشید شاہ سونے کے انڈے کھا کر کُڑک ہو گئے ہیں اور قوم چاہتی ہے ان کو ذبح کریں۔

فواد چوہدری کا کہنا تھا کہ نواز شریف، آصف زرداری اور ان کے پانچ سات قریبی لوگوں کے لیے آرڈیننس لانا چاہیے کہ 3 ماہ میں اربوں روپے کا حساب دیں ورنہ پیسے ضبط کر لیے جائیں گے، اس طرح ہمیں قرضے بھی نہیں لینے پڑیں گے۔

وفاقی وزیر اطلاعات نے کہا کہ ڈالر مہنگا ہونے سے فرق نہیں پڑتا، لوگ چاہتے ہیں کہ سونے کے انڈے کھانے والی مرغیوں کا احتساب ہونا چاہیے۔

فواد چوہدری نے کہا کہ تحریک انصاف کے لیے اصل چیلنج وہ وعدے ہیں جو ہم نے عوام کے ساتھ کیے ہیں۔

جواب چھوڑ دیں

Please enter your comment!
Please enter your name here