پنجاب کے 2 سیکرٹریز سمیت 23 افراد کے نام ای سی ایل میں ڈالنے کی سفارش

NAB seeks placement of two Punjab secretaries, five CEO's on ECL
NAB seeks placement of two Punjab secretaries, five CEO's on ECL

:اسلام آباد

قومی احتساب بیورو (نیب) نے پنجاب کے 2 سیکرٹریز اور 5 کمپنیوں کے سربراہان سمیت 23 افراد کے نام ایگزٹ کنٹرول لسٹ (ای سی ایل) میں ڈالنے کی سفارش کی ہے۔

نیب کی جانب سے 23 افراد کے نام ای سی ایل پر ڈالنے سے متعلق وزارت داخلہ کو لکھے گئے خط کی کاپی جیو نیوز نے حاصل کرلی جس میں پنجاب سے تعلق رکھنے والے افسران اور 2 صوبائی سیکرٹریز کے نام شامل ہیں۔

خط کے مطابق سیکرٹری پرائمری اینڈ سکینڈری ہیلتھ پنجاب علی جان خان، سی ای او جی ڈبلیو ایم سی ڈاکٹر عطاالحق اور  گوجرانوالہ ویسٹ مینیجمنٹ کمپنی کے ہارون اشرف کا نام ای سی ایل میں ڈالنے کی سفارش کی۔

نیب نے وزارت داخلہ سے ڈی سی او اوکاڑہ اسلم قاسمی ، ممبر پرائس کمیٹی فیصل آباد ارشاد احمد، میاں لطیف، علی باجوہ اور محمد اسلم کا نام بھی ای سی ایل میں شامل کرنے کی سفارش کی۔

خط میں سفارش کی گئی ہے کہ لاہور ویسٹ مینیجمنٹ کمپنی کے سربراہ وسیم اجمل، سی ای او نالج پارک کمپنی شاہد زمان، منیجر پیرا گون سٹی شہزاد وحید اور ڈائریکٹر فنانس پیرا گون سٹی فرحان علی کا نام بھی ای سی ایل میں شامل کیا جائے۔

نیب کی جانب سے جن دیگر شخصیات کا نام ای سی ایل میں ڈالنے کی سفارش کی گئی اس میں ڈویلپمنٹ پارٹنر ایل ڈی اے سٹی  ملک آصف، میاں طاہر جاوید، عبدالرشید، شاہد شفیق، عمران، رانا محمد عارف، جمیل احمد، خالد مجید، نجم شاہ، راشد مجید، سید فرخ علی شاہ کے نام شامل ہیں۔

جواب چھوڑ دیں

Please enter your comment!
Please enter your name here