موٹروے پولیس کے انسپکٹر نے نہر میں کود کر لڑکی کو بچا لیا

motorway police inspector jumped in the canal and saved the girl
motorway police inspector jumped in the canal and saved the girl

:قصور

موٹروے پولیس کے ایک انسپکٹر نے بہادری کا مظاہرہ کرتے ہوئے خودکشی کے لیے نہر میں چھلانگ لگانے والی لڑکی کو بچا لیا۔

پولیس کے مطابق لڑکی نے طلاق ملنے پر دلبرداشتہ ہو کر خودکشی کی کوشش کی۔

پولیس کے مطابق قصور کے علاقے پھول نگر کی رہائشی 22 سالہ لڑکی طلاق ملنے پر دلبرداشتہ ہوکر گھر سے نکلی اور لنک جمبر کینال میں چھلانگ لگادی۔

لوگوں نے لڑکی کو چھلانگ لگاتے دیکھ کر شور مچا دیا۔

شور سن کر موٹروے پولیس کے پیٹرولنگ آفیسر انسپکٹر زاہد مقصود گاڑی سے اترے اور انہوں نے نہر میں چھلانگ لگادی اور لڑکی کو ڈوبنے سے بچا لیا۔

بعدازاں ریسکیو ٹیم نے لڑکی کو مقامی اسپتال منتقل کر دیا، جہاں اس کی حالت خطرے سے باہر بتائی گئی۔

جب یہ واقعہ ڈپٹی انسپکٹر جنرل (ڈی آ ئی جی) موٹروے مرزا فاران بیگ کے نوٹس میں آیا تو انھوں نے انسپکٹر زاہد مقصود کو شاباش دی۔

ان کا کہنا تھا کہ موٹروے پولیس حقیقی معنوں میں انسانیت کی خدمت پر عمل پیرا ہے۔

جواب چھوڑ دیں

Please enter your comment!
Please enter your name here