کراچی: قصبہ کالونی سے لاپتہ 7 سالہ ایمان علی مل گیا، اغوا کار خود ہی چھوڑ گئے

Missing Karachi minor recovered, says kidnappers left him at nearby roundabout
Missing Karachi minor recovered, says kidnappers left him at nearby roundabout

کراچی کے علاقے قصبہ کالونی سے لاپتہ ہونے والے 7 سال بچے ایمان علی کو اغواء کار خود ہی نارتھ کراچی پاور ہاؤس کے قریب چھوڑ گئے۔

واضح رہے کہ ایمان علی 3 روز قبل مدرسے سے واپسی پر لاپتہ ہوگیا تھا، جس کی گمشدگی کا مقدمہ پیر آباد تھانے میں درج کروایا گیا تھا۔

ایمان کی گمشدگی پر اس کے والدین اور اہل علاقے نے فائیو اسٹار چورنگی پر احتجاج بھی کیا تھا۔

اغواء کاروں نے ایمان کو گزشتہ روز نارتھ کراچی میں پاور ہاؤس کے پاس چھوڑا اور فرار ہوگئے۔

ایمان نے اپنے بیان میں بتایا کہ اسے اغوا کرنے والے شخص کا نام فرید ہے،  اغوا کاروں نے اسے ایک کمرے میں رکھا ہوا تھا، جہاں اسے کھانا اور سیرپ فراہم دیا جاتا تھا۔

بچے نے بتایا کہ ان لوگوں نے اسے ایک جگہ پر چھوڑا اور کہا کہ یہاں کھڑے رہو۔

ایمان کے مطابق ‘مجھے چھوڑنے سے پہلے اُن لوگوں نے جیب میں ایک پرچی بھی رکھی تھی، میں نے وہ پرچی ایک انکل کو دی تو وہ مجھے یہاں لے آئے’۔

دوسری جانب بچے کے والد نے دعویٰ کیا کہ فرید بیگ نامی ایک شخص نے اُن کے 40 لاکھ روپے واپس کرنے ہیں، یہی وجہ ہے کہ قرض سے جان چھڑانے کے لیے اس نے ان کے بیٹے کو اغواء کرلیا۔

پولیس نے مبینہ اغواء کار فرید کے 2 بیٹوں کو حراست میں لے لیا جبکہ ملزم کی تلاش میں چھاپے مارے جارہے ہیں۔

جواب چھوڑ دیں

Please enter your comment!
Please enter your name here