کویت سے آئے اعلٰی سطح وفد کے سربراہ کا دوران مذاکرات بریف کیس اور پرس چوری

Kuwaiti minister for commerce calls on PM
Kuwaiti minister for commerce calls on PM

:اسلام آباد

کویت سے آئے اعلٰی سطح وفد کے سربراہ کا دوران مذاکرات بریف کیس چوری ہوگیا جب کہ سی سی ٹی وی فوٹیج میں گریڈ 20 کا افسر ضرار حیدر دونوں چیزیں چوری کرتے پکڑا گیا۔

کویتی وفد کے سربراہ وزارت اقتصادی امور میں مذاکرات میں مصروف تھے کہ اس دوران ان کا بریف کیس چوری ہوگیا۔

ذرائع کا کہنا ہے کہ کویتی وفد کے سربراہ نے بتایا کہ ان کا بریف کیس اور پرس چوری ہوگیا ہے جس پر سی سی ٹی وی فوٹیج دیکھی گئی۔

ذرائع نے بتایا کہ سی سی ٹی وی فوٹیج میں گریڈ 20 کے افسر ضرار حیدر کو دونوں چیزیں چوری کرتے دیکھا گیا جس کے بعد ضرار حیدر کے خلاف ایف آئی آر درج کرانے کا فیصلہ کیا گیا ہے۔

Kuwaiti minister for commerce calls on PM

سیکریٹری اقتصادی امور غضنفر عباس جیلانی کا کہنا ہے کہ واقعہ میں ضرارحیدر نامی افسر ملوث پائے گئے ہیں جو کہ ڈی ایم جی کے گریڈ 20 کے افسر ہیں، میرے اسٹاف افسر نہیں۔

انہوں نے کہا کہ ضرار حیدر کے خلاف ضروری کارروائی کی جارہی ہے۔

دوسری جانب پولیس حکام کا کہنا ہے کہ ابھی تک نہ کوئی درخواست ملی نہ ہی کوئی اطلاع دی گئی لہٰذا درخواست ملی تو قانون کے مطابق کارروائی عمل میں لائی جائے گی۔

جواب چھوڑ دیں

Please enter your comment!
Please enter your name here