کراچی: ماہی گیروں کی کئی کشتیوں کو طوفانی ہوا سے حادثات

Karachi: Several fishermen boats crashes from stormy wind
Karachi: Several fishermen boats crashes from stormy wind

کراچی میں چلنے والی تیز طوفانی ہواؤں کے اثرات سمندر میں زیادہ شدت اختیار کر گئے ہیں، سمندر میں جانے والی کئی کشتیوں کو طوفانی ہواؤں کے باعث حادثات پیش آئے ہیں۔

ابراہیم حیدری سے ماہی گیری کے لیے جانے والی 4 چھوٹی کشتیوں کو حادثات پیش آئے ہیں، روزانہ کی بنیاد پر شکار پر جانے والی کشتیاں حادثات کے بعد ڈوبنے کی اطلاعات ہیں۔

فشری ذرائع کے مطابق حادثات ابراہیم حیدری سے ڈھائی سے تین ناٹیکل میل دور پیش آئے جن میں کسی جانی نقصان کی اطلاع نہیں ملی۔

ماہی گیروں نے کھائی کھڈی کے جزیرے پر پناہ لے رکھی ہے، ماہی گیروں کو کراچی منتقل کرنے کے لیے فش ہاربر سے بڑی لانچ روانہ کر دی گئی ہے۔

ادھر ریڑھی گوٹھ سے مچھلی کے شکار کے لیے جانے والے ماہی گیروں کی کشتی سمندر میں الٹ گئی۔

فشری سیکیورٹی ذرائع کے مطابق کشتی کو ڈبہ اور چھان کے مقام پر حادثہ پیش آیا، کشتی میں سوار 8 ماہی گیر لاپتہ ہیں۔

جواب چھوڑ دیں

Please enter your comment!
Please enter your name here