مسلم مخالف پوسٹ پر اسرائیلی وزیراعظم کے بیٹے کا فیس بک پیج معطل

Israeli PM's son blocked on Facebook for anti-Muslim posts
Israeli PM's son blocked on Facebook for anti-Muslim posts

:یروشلم

مسلم مخالف پوسٹ کرنے پر سماجی رابطے کی ویب سائٹ فیس بک نے اسرائیلی وزیراعظم بینجمن نیتن یاہو کے بڑے بیٹے یائر نیتن یاہو کا فیس بک پیج 24 گھنٹے کے لیے معطل کر دیا۔

واضح رہے کہ گذشتہ ہفتے 2 اسرائیلی فوجیوں کی ہلاکت کے تناظر میں یائر نیتن یاہو نے فیس بک پر لکھا تھا کہ مشرق وسطی میں امن اُسی وقت امن آ سکتا ہے جب تمام مسلمان یہاں سے چلے جائیں، جس پر فیس بک نے اسے آمریت پسندانہ سوچ قرار دیتے ہوئے یہ پوسٹ ڈیلیٹ کر دی تھی۔

جس کے بعد اتوار (16 دسمبر) کو یائر نیتن یاہو نے اپنی ڈیلیٹ کی گئی پوسٹ کا اسکرین شاٹ فیس بک پر پوسٹ کیا اور ویب سائٹ پر شدید تنقید کی، جس کے بعد ان کا اکاؤنٹ 24 گھنٹے کے لیے معطل کردیا گیا۔

اس حوالے سے رابطہ کرنے پر فیس بک کی جانب سے کوئی ردعمل سامنے نہیں آیا۔

واضح رہے کہ یائر نیتن یاہو اپنی سوشل میڈیا پوسٹس اور شاہانہ اخراجات کی بناء پر اکثر تنقید کی زد میں رہتے ہیں۔

جواب چھوڑ دیں

Please enter your comment!
Please enter your name here