تینوں خانز پر بھارتی فلم انڈسٹری نے اربوں روپے کی رقم لگادی

Indian film industry has investement billions of rupees on khan's
Indian film industry has investement billions of rupees on khan's

:ممبئی

بالی ووڈ پر راج کرنے والے تینوں خانز سلمان، شاہ رخ اور عامر خان پر ہر سال کروڑوں روپے کی سرمایہ کاری کی جاتی ہےرواں سال بھی تینوں خانز پر بھارتی فلم انڈسٹری نے اربوں روپے کی رقم لگائی ہے۔

بھارتی میڈیا کے مطابق فلموں کی کامیابی کی ضمانت سمجھے جانے والےبالی ووڈ کے تینوں خانزسلمان، شاہ رخ اور عامر خان پر بھارتی فلم انڈسٹری میں ہر سال اربوں روپے لگائے جاتے ہیں اور اتنا ہی نہیں اس رقم میں ہر سال اضافہ ہوتا جاتاہے کیونکہ بھارت کے علاوہ پوری دنیا کے شائقین بالی ووڈ کے کسی دوسرے اداکار کے مقابلے میں تینوں خانز کی فلمیں دیکھنا زیادہ پسند کرتے ہیں۔ اس سال  بھی تینوں خانز پر تقریباً600 کروڑ کی سرمایہ کاری کی گئی ہے جب کہ سلمان خان کی فلموں پر باقی دونوں خانز سے زیادہ تقریباً 230 کروڑ کی رقم لگائی گئی ہے۔ یہی وجہ ہے کہ سلمان کے جیل جانے کی صورت میں بھارتی فلمسازوں اور پروڈیوسروں کو اپنا پیسہ ڈوبنے کا خطرہ پیدا ہوگیا تھا تاہم دبنگ خان کی ضمانت کے باعث ان کی جان میں جان آئی۔ 

salman khan

سلمان خان کی رواں سال دو فلمیں ’’ریس3‘‘اور’’دبنگ3‘‘ریلیز ہوں گی دونوں فلموں کا بجٹ کروڑوں میں ہے جب کہ ریلیز سے قبل ہی دونوں فلموں کی سپر ہٹ ہونے کی پیش گوئی کی جارہی ہے۔

amir khan

بالی ووڈ کے مسٹر پرفیکشنسٹ عامر خان ’’ٹھگ آف ہندوستان‘‘کے ساتھ رواں سال میدان میں اتریں گے، فلم کا بجٹ 210 کروڑ روپے ہے جس کے ساتھ یہ فلم رواں سال کی دوسری مہنگی ترین فلم قراردی جارہی ہے۔

shahrukh khan

بالی ووڈ میں پچھلے کچھ عرصے سے مشکلات کا شکار بالی ووڈ کنگ شاہ رخ خان بھی اس سال فلم’’زیرو‘‘کے ذریعے ایک بار پھر اپنی دھاک جمانے آئیں گے۔ 150 کروڑ کے بجٹ سے بنائی گئی فلم میں شاہ رخ خان کے علاوہ اداکارہ کترینہ کیف اور انوشکا شرما مرکزی کردار ادا کرتی نظرآئیں گی۔

جواب چھوڑ دیں

Please enter your comment!
Please enter your name here