بھارتی ڈپٹی ہائی کمشنر کی 24 گھنٹوں میں دوسری بار دفتر خارجہ طلبی

Indian Deputy High Commissioner calls for Foreign Office for the second time in 24 hours
Indian Deputy High Commissioner calls for Foreign Office for the second time in 24 hours

:اسلام آباد

پاکستان نے بھارتی فوج کی جانب سے لائن آف کنٹرول (ایل او سی) پر سیز فائز کی خلاف ورزی پر بھارتی ڈپٹی ہائی کمشنر کو 24 گھنٹوں میں دوسری بار دفتر خارجہ طلب کرلیا۔

ترجمان دفترخارجہ کے مطابق ڈائریکٹر جنرل جنوبی ایشیاء ڈاکٹر محمد فیصل نے بھارتی ڈپٹی ہائی کمشنر گورو اہلووالیا کو طلب کیا اور ایل او سی پر بھارتی فوج کی سیز فائر کی خلاف ورزیوں پر احتجاجی مراسلہ دیا۔

دفترخارجہ کا کہنا ہے کہ بھارتی فوج نے 6 ستمبر کو کھوئی رٹہ سیکٹر میں یکجہتی کشمیر ریلیوں میں شہریوں کو دانستہ طور پر نشانہ بنایا جس کے نتیجے میں 4 پاکستانی شہری شدید زخمی ہوئے۔

دفتر خارجہ کے مطابق بھارتی فوج ایل او سی اور ورکنگ باؤنڈری پر شہری آبادی کو مسلسل بھاری اور خود کار ہتھیاروں سے نشانہ بنا رہی ہے، بھارتی فوج کی جانب سے 2017 سے سیز فائر کی خلاف ورزیوں میں تیزی آئی ہے۔

ترجمان نے بتایا کہ شہری آبادیوں کو نشانہ بنانا افسوسناک اور عالمی انسانی حقوق و قوانین کی خلاف ورزی ہے، بھارتی کی جانب سے سیز فائر کی خلاف ورزیاں علاقائی امن و سلامتی کیلئے خطرہ ہیں۔

ڈی جی جنوبی ایشیاء نے بھارتی ڈپٹی ہائی کمشنر سے مطالبہ کیا کہ بھارت 2003 کے سیز فائر معاہدے کا احترام کرے، سیز فائر کی خلاف ورزیوں کے واقعات کی تحقیقات کرے۔

انہوں نے خبردار کیا کہ بھارت اپنی فوج کو سیز فائر کی خلاف ورزیوں سے باز رہنے کی ہدایت کرے، ایل او سی اور ورکنگ باؤنڈری پر امن کیلئے سیز فائر پر من و عن عمل کیا جائے۔

یاد رہے کہ گزشتہ روز بھی پاکستان نے بھارتی ڈپٹی ہائی کشمنر کو دفترخارجہ طلب کیا تھا۔

جواب چھوڑ دیں

Please enter your comment!
Please enter your name here