پاکستان اور نیوزی لینڈ کے درمیان سیریز کا اہم میچ آج رات کھیلا جائیگا

Important series matche between Pakistan and New Zealand will be played tonight
Important series matche between Pakistan and New Zealand will be played tonight

:ڈنڈن

پاکستان اور نیوزی لینڈ کے درمیان سیریز کا تیسرا اور اہم میچ پاکستانی وقت کے مطابق آج رات 3 بجے کھیلا جائے گا۔

ڈنڈن کے یونیورسٹی اوول گراؤنڈ میں دونوں ٹیمیں 5 میچز پر مشتمل سیریز کے تیسرے میچ میں مدمقابل ہوں گی اور گرین شرٹس کو سیریز بچانے کے لئے آج کا میچ لازمی جیتنا ہوگا، شکست کی صورت میں سیریز میزبان ٹیم کے نام ہوجائے گی۔

گرین شرٹس کے کپتان سرفراز احمد کیویز کو شکست دینے کے لئے پرعزم ہیں اور اس کے لئے تمام کھلاڑیوں نے بھرپور پریکٹس بھی کی۔

میچ سے قبل کھلاڑیوں نے بیٹنگ، فیلڈنگ اور بولنگ پر بھرپور توجہ دی اور خامیاں دور کرتے ہوئے نیوزی لینڈ کے خلاف دوبارہ غلطیاں نہ کرنے کا عزم کیا۔

تیسرے ایک روزہ میچ کے لئے قومی ٹیم میں کسی تبدیلی کا امکان نہیں تاہم اوپننگ بلے باز فخر زمان کی شمولیت کا فیصلہ ان کے مکمل فٹ ہونے سے مشروط ہے۔

سرفراز احمد کی قیادت میں ممکنہ قومی ٹیم اظہرعلی، امام الحق، بابراعظم، محمد حفیظ، شعیب ملک، شاداب خان، رومان رئیس، حسن علی، محمد عامر اور فہیم اشرف پر مشتمل ہوسکتی ہے۔

جواب چھوڑ دیں

Please enter your comment!
Please enter your name here