سلمان خان نے ’بگ باس‘ سیزن 11 سے کتنی کمائی کی؟

How much did Salman Khan earn from 'Bigg Boss' Season 11?
How much did Salman Khan earn from 'Bigg Boss' Season 11?

:ممبئی

بالی وڈ سپر اسٹار سلمان خان نے مشہور ریئلٹی شو ’بگ باس‘ کے سیزن 11 میں ایک قسط کا معاوضہ 11 کروڑ وصول کیا ہے جب کہ مجموعی طور پر انہوں نے 330 کروڑ کی کمائی کی۔

سلمان خان سلور اسکرین پر سپر اسٹار تو ہیں ہی لیکن چھوٹی اسکرین پر بھی ان کا طوطی بولتا ہے۔

سلو میاں کا رئیلٹی شو ’باگ باس‘ ٹی وی کا مقبول ترین شو ہے اور اس شو کی مقبولیت کے باعث اسی قسم کا شو تامل ٹی وی پر بھی شروع کیا گیا ہے لیکن اس شو کے میزبانی سلمان خان نہیں بلکہ ایک مقامی اداکار کر رہے ہیں۔

سلمان خان بھارتی ٹی وی کے سب سے مہنگے ترین میزبان ہیں اور بگ باس کے سیزن 11 کے لیے انہوں نے ایک قسط کے 11 کروڑ وصول کیے ہیں۔

دبنگ خان کا ریئلٹی شو ’بگ باس‘ کا 11 واں سیزن بھی اختتام پذیر ہوچکا ہے اور اداکارہ شلپا شندے بگ باس کی فاتح قرار پائی ہیں۔

شلپا شندے کو ٹرافی اور 44 لاکھ کی خطیر انعامی رقم دی گئی ہے لیکن سلو میاں کی اس شو سے کمائی نے سب کو حیران کر دیا ہے۔

بھارتی میڈیا کے مطابق ’بگ باس 11‘ 15 ہفتے جاری رہا اور اس کی 30 قسطیں ٹی وی پر نشر کی گئیں۔

سلو میاں نے مجموعی طور پر شو سے 330 کروڑ روپے کی کمائی کی اور انہوں نے ٹی وی شو سے کمائی کا اپنا ہی ریکارڈ توڑ ڈالا۔

یاد رہے کہ سلمان خان نے بگ باس سیزن 10 کے لیے ایک قسط کا معاوضہ 8 کروڑ وصول کیا تھا اور شو سے انہوں نے مجموعی طور پر 240 کروڑ روپے کمائے تھے۔

جواب چھوڑ دیں

Please enter your comment!
Please enter your name here