فرانس: کرسمس مارکیٹ کے قریب فائرنگ، 3 افراد ہلاک، 12 زخمی

Gunman kills three people in French Christmas market, flees
Gunman kills three people in French Christmas market, flees

:اسٹراس برگ

فرانس کے شہر اسٹراس برگ میں واقع کرسمس مارکیٹ کے قریب فائرنگ کے نتیجے میں 3 افراد ہلاک اور 12 زخمی ہوگئے۔

فرانسیسی وزارت داخلہ کے مطابق فائرنگ کرنے والے ملزم کو کرسمس مارکیٹ کے قریب سیکیورٹی فورسز نے فائرنگ کرکے زخمی کر دیا تاہم وہ فرار ہو گیا، جس کے بعد سیکیورٹی فورسز اور پولیس نے ملزم کا پیچھا کیا، اس دوران فائرنگ کا تبادلہ بھی ہوا۔

 میڈیا رپورٹس کے مطابق حملہ آور کو گرفتار کرنے کی اطلاعات ہیں تاہم اس کی تصدیق نہیں کی گئی۔

فرانسیسی وزارت داخلہ کے مطابق ملزم کی شناخت چیرف کے نام سے ہوگئی ہے، اور اس کا نام انسداد دہشت گردی سیل کو دے دیا گیا ہے۔

فائرنگ کرنے والا ملزم 29 سالہ نوجوان اور اسٹراس برگ کا رہائشی ہے جبکہ اس کا مجرمانہ ریکارڈ بھی موجود ہے۔

دوسری جانب فرانس کے وزیر داخلہ نے حملے کے بعد ملک بھر میں سیکیورٹی لیول بڑھانے کا اعلان کر دیا۔

فائرنگ کے واقعے کے بعد اسٹراس برگ میں یورپی پارلیمنٹ کی عمارت بھی بند کردی گئی۔ واضح رہے کہ آج اسٹراس برگ یورپین پارلیمنٹ میں یورپ کے سب سے بڑے ایوارڈ کی تقریب ہے۔

جواب چھوڑ دیں

Please enter your comment!
Please enter your name here