جی میل کا نیا ری ڈیزائن ورژن آزمائشی مراحل میں

Gmail's new redesigned version in test phases
Gmail's new redesigned version in test phases

:نیویارک

گوگل کمپنی، جی میل ڈیزائن کو اَپ ڈیٹ کرنے کے لیے کوشاں ہے تاکہ صارفین کی آسانی میں اضافہ ہوسکے، خاص طور پر کاروباری صارفین اس سے استفادہ حاصل کرسکیں گے۔

دی ورج کی رپورٹ کے مطابق گوگل کا کہنا ہے کہ جی میل ویب کا نیا ڈیزائن ورژن اس وقت آزمائشی مراحل میں ہے جو آئندہ چند ہفتوں میں متعارف کروا دیا جائے گا۔

جی میل کے نئے ورژن میں نئی لُک کے ساتھ تین نئے فیچرز کی سہولت بھی فراہم کی جائے گی جن میں اسمارٹ ریپلائے، اسنوز ای میل اور آف لائن سپورٹ فیچر شامل ہوگا۔

اسمارٹ ریپلائے سے صارفین کو فوری جواب دینے کی سہولت حاصل ہوتی ہے، جو فی الوقت صرف اسمارٹ فون صارفین کے لیے میسر ہے تاہم جلد ہی یہ جی میل ویب کے لیے بھی دستیاب ہوگا۔

اسنوزنگ الرٹ فیچر کی مدد سے غیر اہم ای میلز یا نا پسندیدہ پیغامات کو وقتی طور پر نظر انداز کیا جاسکے گا، اس کے ساتھ ساتھ ویب میں سلائیڈ بار کی سہولت بھی دستیاب ہوگی۔

Google Gmail design

گوگل ترجمان کا کہنا ہے کہ جی میل کے نئے ڈیزائن پر کام کیا جارہا ہے اور امید ہے کہ جلد ہی اسے صارفین استعمال کرسکیں گے۔

واضح رہے کہ رواں برس کے آغاز میں گوگل نے جی میل کیلنڈر بھی تبدیل کیا تھا۔

گوگل کیلنڈر کا نیا ڈیزائن گذشتہ گوگل کیلنڈر ڈیزائن سے کچھ زیادہ مختلف نہیں ہے، تاہم اس میں چند فیچرز کا اضافہ کیا گیا ہے۔

جواب چھوڑ دیں

Please enter your comment!
Please enter your name here