نوازشریف اور مریم نواز کیخلاف توہین عدالت کی درخواستوں پر نیا فل بینچ تشکیل

Full bench hearing Nawaz, Maryam contempt of court case formed once again
Full bench hearing Nawaz, Maryam contempt of court case formed once again

:لاہور

لاہور ہائیکورٹ نے سابق وزیراعظم نوازشریف، مریم نواز اور وزیراعظم شاہد خاقان عباسی سمیت دیگر کے خلاف توہین عدالت کی درخواستوں پر ازسر نو فل بینچ تشکیل دے دیا۔

لاہور ہائیکورٹ میں سابق وزیراعظم نوازشریف، ان کی صاحبزادی مریم نواز اور وزیراعظم شاہد خاقان عباسی سمیت دیگر لیگی رہنماؤں کے خلاف سپریم کورٹ کے فیصلے پر تنقید کی بنیاد پر توہین عدالت کی ایک درجن سے زائد درخواستیں دائر کی گئی ہیں۔

لاہور ہائیکورٹ کے دو سنگل بینچوں کے روبرو یہ درخواستیں زیر سماعت تھیں تاہم جسٹس مظاہر نقوی نے چیف جسٹس لاہور ہائیکورٹ سے معاملہ اہم نوعیت کا ہونے کی بناء فل بینچ بنانے کی درخواست کی تھی۔

چیف جسٹس لاہور ہائیکورٹ جسٹس یاور علی فل بینچ تشکیل دیا تھا تاہم بینچ کے ایک رکن جسٹس شاہد حسن بلال کا تبادلہ ملتان بینچ میں ہونے کے باعث بینچ ٹوٹ گیا۔

چیف جسٹس لاہورہائیکورٹ نے ان درخواستوں پر جسٹس مظاہر اکبر نقوی کی سربراہی میں نیا فل بینچ تشکیل دے دیا ہے جس میں جسٹس شاہد بلال کی جگہ شاہد مبین کو شامل کیا گیا ہے جب کہ جسٹس عاطر محمود بھی بینچ کا حصہ ہیں۔

جواب چھوڑ دیں

Please enter your comment!
Please enter your name here