:ممبئی
بھارتی شہر ممبئی میں واقع ایک کمرشل عمارت میں آتشزدگی کے نتیجے میں 14 افراد ہلاک جبکہ متعدد زخمی ہوگئے۔
این ڈی ٹی وی کی ایک رپورٹ میں حکام کے حوالے سے بتایا گیا کہ ممبئی کے صنعتی علاقے میں قائم کمالا ملز کمپاؤنڈ میں واقع ایک ریسٹورنٹ میں مقامی وقت کے مطابق رات ساڑھے 12 بجے آگ لگی، جس نے دیکھتے ہی دیکھتے عمارت کے ایک بڑے حصے کو اپنی لپیٹ میں لے لیا اور بلڈنگ میں واقع میڈیا کے دفاتر تک جا پہنچی۔
رپورٹس کے مطابق مقامی انڈین ٹی وی چینل ‘ٹائمز ناؤ’ اور ‘مرر ناؤ’ کے دفاتر بھی آگ سے متاثر ہوئے۔
دوسری جانب اطلاعات ہیں کہ آتشزدگی کی وجہ سے ٹائمز ناؤ کی نشریات بھی بند ہوگئیں۔
14 dead in massive fire at roof-top pub in Central Mumbai’s #KamalaMills https://t.co/uL6UVpZrIB pic.twitter.com/DKjqkF4Ocq
— NDTV (@ndtv) December 29, 2017
فائر بریگیڈ کا عملہ آگ بجھانے کے لیے جائے وقوع پر پہنچ گیا جبکہ ایمبولینسز بھی پہنچ گئیں۔
حکام کے مطابق ہلاک ہونے والوں میں زیادہ تر خواتین شامل ہیں، جبکہ زخمیوں میں سے بھی 2 کی حالت تشویش ناک بتائی گئی۔
فی الوقت آگ لگنے کی وجوہات کا علم نہیں ہوسکا۔
