وفاقی کابینہ کا اجلاس آج، آئی جی سندھ کی تقرری کی منظوری ایجنڈے میں شامل

Federal cabinet meeting today, approval of IG Sindh appointment in agenda
Federal cabinet meeting today, approval of IG Sindh appointment in agenda

:اسلام آباد

وزیراعظم شاہد خاقان عباسی کی زیرصدارت وفاقی کابینہ کا اجلاس آج شام ہوگا جس میں ای سی سی اور قومی اقتصادی کونسل کے فیصلوں کی منظوری کا امکان ہے۔

وفاقی کابینہ کے آج ہونے والے اجلاس میں ملک کی سلامتی اور معاشی صورتحال کا جائزہ لیا جائے گا جب کہ سول ایوی ایشن اتھارٹی میں افسران کی ڈیپوٹیشن میں توسیع کا معاملہ بھی ایجنڈے میں شامل ہے۔

کابینہ اجلاس کے ایجنڈے میں انسپکٹر جنرل پولیس سندھ، گریڈ 22 کے سینئر پولیس افسر کی تقرری کی منظوری اور فیڈرل لینڈ کمیشن کے نئے چیئرمین کی تقرری بھی ایجنڈے میں شامل ہے۔

وفاقی کابینہ اجلاس میں رواں سال موسم گرما کے دوران بجلی کی فراہمی کے امور پر بریفنگ دی جائے گی جب کہ بجلی کے نظام کی مشکلات اور اس کے حل کی تجاویز پر بھی بریفنگ دی جائے گی۔

اجلاس کے ایجنڈے میں ترکی اور سوئٹرزلینڈ کے ساتھ مختلف شعبوں میں تعاون کی یادداشتوں کی منظوری، سینٹرل کاٹن کمیٹی اور کاٹن سے متعلق امور وزارت ٹیکسٹائل سے وزارت فوڈ کو منتقلی کا معاملہ بھی ایجنڈے میں شامل ہے۔

جواب چھوڑ دیں

Please enter your comment!
Please enter your name here