سیالکوٹ اور لندن کے درمیان پی آئی اے کی براہ راست پرواز کا آغاز

Direct flight of PIA between Sialkot and London begins
Direct flight of PIA between Sialkot and London begins

سیالکوٹ اور لندن کے درمیان قومی ائیر لائن (پی آئی اے) کی براہ راست ہفتہ وار پرواز کا باقاعدہ آغاز ہو گیا۔

ترجمان پی آئی اے کے مطابق آج صبح ساڑھے 6 بجے لندن سے سیالکوٹ کے لیے براہ راست پہلی پرواز پی کے 778 سیالکوٹ ائیرپورٹ پہنچ گئی ہے جو گزشتہ ایک سال کے دوران پی آئی اے کا دسواں نیا روٹ ہے۔

ترجمان پی آئی  اے نے بتایا کہ پرواز پی کے 778 کی آمد پر آبی توپوں کی سلامی دی گئی۔

اس موقع پر وفاقی وزیر ہوابازی غلام سرور خان نے کہا کہ براہ راست پرواز سے سیالکوٹ اور ملحقہ علاقوں میں رہنے والے تارکین وطن کو بہت آسانی میسر ہو گی۔

انہوں  نے بتایا کہ سیالکوٹ سے لندن کے لیے ہفتہ وار پروازیں چلائی جائیں گی  جس سے پی آئی  اے کے ریونیو میں مزید اضافہ ہو گا۔

لندن سے سیالکوٹ تک براہ راست پرواز کے آغاز پر وفاقی وزیر نے مزید کہا کہ اس سے کارگو بزنس کو بھی فروغ ملے گا۔

ادھر سی ای او پی آئی  اے ائیر مارشل ارشد ملک نے کہا کہ ہماری یہ کوشش انشاء اللہ کامیاب رہے گی، تعاون پر ہم وفاقی وزیر غلام سرور خان کے بہت مشکور ہیں۔

جواب چھوڑ دیں

Please enter your comment!
Please enter your name here