سی پیک منصوبوں کیلیے درآمدی اشیا پر ٹیکس چھوٹ کی منظوری کا فیصلہ

Decision to approve tax exemption on imported goods for CPEC projects
Decision to approve tax exemption on imported goods for CPEC projects

:اسلام آباد

اقتصادی رابطہ کمیٹی نے پاک چین اقتصادی راہداری منصوبوں کے لئے تعمیراتی مواد کی درآمد پر ٹیکس چھوٹ کی منظوری کا فیصلہ کیا ہے۔

وزیراعظم شاہد خاقان عباسی کی زیرصدارت اقتصادی رابطہ کمیٹی کے اجلاس کے دوران حکام نے انہیں کپاس کی درآمد پر ٹیکس کی چھوٹ، آٹو اسپیئر پارٹس اور ٹائر پر ریگولیٹری ڈیوٹی ختم کیے جانے سمیت درجنوں اشیا پر ریگولیٹری ڈیوٹی واپس  لیے جانے پر بریفنگ دی۔

اجلاس کے دوران سی پیک منصوبوں کے لئے تعمیراتی مواد کی درآمد پر ٹیکس چھوٹ کی منظوری کا فیصلہ کیا جب کہ ٹیکس چھوٹ نیشنل ہائی وے اتھارٹی کے منصوبوں کے لئے ہوگی اور اس چھوٹ کا اطلاق سکھر، ملتان اور پشاور کراچی موٹروے منصوبوں پر ہوگا۔

اقتصادی رابطہ کمیٹی کے اجلاس میں کیے گئے فیصلوں میں پبلک سیکٹر یونیورسٹیز کے لئے انکم ٹیکس آرڈیننس کے سیکشن 113 کی چھوٹ، ٹیکسٹائل مصنوعات اور اس کے خام مال پر ڈیوٹی کی چھوٹ شامل ہے۔

اجلاس کے دوران کسانوں سے سرکاری قیمت پر گنے کی خریداری اور بروقت ادائیگی یقینی بنانے کی ہدایت کرتے ہوئے خیبرپختونخوا اور پنجاب حکومت کے نیٹ ہائیڈل پرافٹ کے بقایاجات کی ادائیگی کی منظوری دی گئی ہے۔

اقتصادی رابطہ کمیٹی کے اجلاس میں ایف بی آر کی طرف سے مختلف اشیا پر ریگولیٹری ڈیوٹیز میں کمی کی منظوری بھی دی گئی جب کہ حکومت کی جانب سے درآمدات اور تجارتی خسارہ کم کرنے کے لئے اکتوبر میں 731 اشیا پر ریگولیٹری ڈیوٹی لگائی تھی۔

جواب چھوڑ دیں

Please enter your comment!
Please enter your name here