کراچی میں بچی سے زیادتی اور قتل، بہنوئی نے اعتراف جرم کرلیا

Brother-in-law confesses to minor girl's rape, murder in Karachi
Brother-in-law confesses to minor girl's rape, murder in Karachi

:کراچی

کراچی کے علاقے سچل گوٹھ میں گزشتہ دنوں کمسن بچی کے ساتھ زیادتی اور قتل میں گرفتار اسکے بہنوئی نے اعتراف جرم کر لیا ہے۔

ایس ایس پی انویسٹی گیشن ملیر عابد قائم خانی کے مطابق گرفتار ملزم عارف شاہ نے دوران تفتیش اعتراف جرم کیا ہے۔

ایس ایس پی انویسٹی گیشن ملیر کے مطابق ملزم اس سے قبل بھی 3 سے 4 بار بچی سے زیادتی کرچکا ہے اور ملزم بچی کو ڈرانے کے لیے اس کے جسم کو سگریٹ سے جلاتا بھی رہا ہے۔

گزشتہ ہفتے پیش آنے والے اندوہناک واقعے میں مقتولہ کے بہنوئی سمیت چار افراد کو مقدمہ درج کر کے گرفتار کیا گیا تھا۔

مقدمے میں اب انسداد دہشتگردی کی دفعات بھی شامل کر دی گئی ہیں۔

خیال رہے کہ بچی کی لاش گلستان جوہر کے قریب بھٹائی آباد سے 31 جولائی کو برآمد ہوئی تھی۔

بچی کی میڈیکل رپورٹ کے مطابق اس سے زیادتی کی گئی اور پھر گلا دبا کر قتل کردیا گیا جبکہ اس کی لاش پر سگریٹ سے جلائے جانے کے نشانات بھی تھے۔

جواب چھوڑ دیں

Please enter your comment!
Please enter your name here