پابندیاں توڑو، باہر نکلو؛ نظر بند حریت قیادت کی مقبوضہ کشمیر کے عوام سے اپیل

Break sanctions, get out; Detention of Hurriyat leadership appeals to people in Kashmir
Break sanctions, get out; Detention of Hurriyat leadership appeals to people in Kashmir

مقبوضہ کشمیر میں بھارتی بربریت اور کرفیو کے باوجود گھروں میں نظربند حریت قیادت نے کشمیری عوام سے اپیل کی ہے کہ بھارتی پابندیوں کی پرواہ کیے بغیر باہر نکلا جائے۔

آج نماز جمعہ کے بعد مقبوضہ کشمیر کی خصوصی حیثیت ختم کرنے اور بھارتی پابندیوں کے خلاف پُرزور احتجاج کیا جائے گا، پوری وادی میں مظاہرے ہوں گے جب کہ سری نگر میں اقوام متحدہ کے مبصر دفتر تک مارچ کیا جائے گا۔

قابض بھارتی افواج کا لاک ڈاؤن تیسرے ہفتے بھی برقرار ہے اور مظاہرے کی کال دیئے جانے کے بعد بزدل بھارتی فوج نے نہتے کشمیریوں کے خلاف ایکشن کی تیاری کر لی ہے، سری نگر اور دیگر علاقوں میں سیکیورٹی مزید سخت کر دی گئی ہے جب کہ لوگوں کی گرفتاریوں کے لیے چھاپے بھی مارے جا رہے ہیں۔

برطانوی میڈیا کے مطابق سری نگر میں جگہ جگہ رکاوٹیں کھڑی کر دی گئی ہیں جب کہ اقوامِ متحدہ کے فوجی مبصرین کے دفتر جانے والے 4 راستے جمعرات کی رات سے ہی بند ہیں۔

پاکستان کے وزیر خارجہ شاہ محمود قریشی نے اس خدشے کا اظہار کیا ہے کہ بھارت مقبوضہ کشمیر میں احتجاج کرنے والوں کے خلاف بڑا آپریشن کر سکتا ہے جس سے خون خرابے کا خدشہ ہے۔

خیال رہے کہ بھارت نے مقبوضہ کشمیر میں 5 اگست سے غیر معینہ مدت تک کے لیے کرفیو نافذ کر رکھا ہے، مقبوضہ وادی میں لاکھوں کی تعداد میں بھارتی فوجی تعینات اور حریت اور سیاسی قیادت گھروں میں نظر بند یا جیلوں میں قید ہے۔

پاکستان نے مقبوضہ کشمیر میں انسانی حقوق کی پامالیوں کا معاملہ عالمی عدالت انصاف میں لے جانے کا اعلان کر رکھا ہے جب کہ اقوام متحدہ اور امریکا سمیت کئی ممالک مقبوضہ کشمیر کی صورت حال پر تشویش کا اظہار کر چکے ہیں۔

جواب چھوڑ دیں

Please enter your comment!
Please enter your name here