بلاول کا اپنی والدہ بینظیر بھٹو کو خراج عقیدت

Bilawal tribute to his mother Benazir Bhutto
Bilawal tribute to his mother Benazir Bhutto

:کراچی

پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ ان کی والدہ بے نظیر بھٹو نے یہ ثابت کیا ہے کہ خواتین یقیناً تمام کام کرسکتی ہیں۔

برطانوی جریدے دی گارڈین کے لیے لکھے گئے ایک مضمون میں بلاول نے اپنی والدہ اور سابق وزیراعظم بے نظیر بھٹو سے متعلق ماضی کی یادیں تازہ کیں۔

بلاول بھٹو نے لکھا کہ بے نظیر بھٹو نے جس سال وزارت عظمیٰ کا حلف اٹھایا، اُسی سال وہ ماں بھی بنیں اور اُسی سال کتاب بھی تحریر کی جو بیسٹ سیلر بنی۔

Benazir Bhutto with children

ان کا کہنا تھا کہ یہ کامیابیاں ان کے مخالفین کو ہضم نہ ہوئیں کیونکہ وہ ایک خاتون تھیں۔

بلاول کے مطابق سب سے زیادہ مشکل وقت وہ تھا جب بے نظیر بھٹو اُمید سے تھیں اور اُن کی وزارت عظمی کو اسی وجہ سے چیلنج کردیا گیا اور انہیں منصب سے ہٹانے کے مطالبات کیے جانے لگے۔

بلاول بھٹو نے لکھا کی اُن کی والدہ نے یہ باتیں خندہ پیشانی سے برداشت کیں، بختاور کو جنم دیا اور اگلے دن سرکاری ذمہ داریاں ادا کرنے پہنچ گئیں۔

چیئرمین پیپلز پارٹی کے مطابق ان کی والدہ نے اپنی زندگی اور جرات سے یہ بات ثابت کی کہ خواتین یقیناً تمام کام کرسکتی ہیں۔

بلاول نے مزید لکھا کہ تاریخ مخالفت کرنے والے تمام سیاسی بونوں کو بھلادے گی لیکن بے نظیر بھٹو کو عالمی آئیکون کے طور پر ہمیشہ یاد رکھے گی۔

واضح رہے کہ 27 دسمبر2007ء کو راولپنڈی کے لیاقت باغ میں انتخابی جلسے کے بعد روانگی کے وقت خودکش حملے کے نتیجے میں سابق وزیراعظم بے نظیر بھٹو شہید ہوگئی تھیں۔

جواب چھوڑ دیں

Please enter your comment!
Please enter your name here