١٩٦٥ کی جنگ کے ہیرو ایم ایم عالم کو گزرے 5 برس بیت گئے

1965 war hero MM Alam remembered on 5th death anniversary
1965 war hero MM Alam remembered on 5th death anniversary

:لاہور

٧ ستمبر 1965 کو ایک منٹ سے بھی کم وقت میں دشمن کے پانچ جنگی طیاروں کو تباہ کرکے عالمی ریکارڈ بنانے والے اسکورڈن لیڈر ایم ایم عالم کی آج پانچویں برسی منائی جا رہی ہے۔

محمد محمود عالم 6 جولائی 1935 کو بھارت کے شہر کولکتہ میں پیدا ہوئے اور 1953 میں پاک فضائیہ میں شمولیت اختیار کی۔

ایم ایم عالم نے پاکستان اور بھارت کے درمیان 1965 کی جنگ میں شجاعت اور بہادری کی ایسی لازوال تاریخ رقم کی جو رہتی دنیا تک یاد رکھی جائے گی۔

اپنی ہوا بازی کے کارناموں سے اسکوارڈن لیڈر ایم ایم عالم نے دشمن کو ناکوں چنے چبوا دیے اور دشمن کے پانچ جنگی طیارے ایک منٹ میں زمین پر مار گرائے۔

ان کا یہ کارنامہ پاک فضائیہ کی تاریخ میں ایک سنہرا باب ہے جسے ایک معجزہ تصور کیا جاتا ہے۔

ایم ایم عالم کی جرأت اور بہادری کے باعث انہیں ستارہ جرأت سے بھی نوازا گیا اور پھر یہ 1982 میں ایئر کموڈور کے عہدے سے ریٹائرڈ ہوگئے۔

قوم کے یہ ہیرو 18 مارچ 2013 کو طویل علالت کے بعد 78 برس کی عمر میں اس دنیا سے رخصت ہوئے، اس سلسلے میں منعقدہ تقریبات میں قومی ہیرو کو خراج عقیدت بھی پیش کیا جائے گا۔

جواب چھوڑ دیں

Please enter your comment!
Please enter your name here